Монгол Улсын “Эрүүл мэндийн тухай” хуулийн 29.6, 44.1 дэх заалтууд, Ерөнхийлөгчийн 2010 оны “Нийтийн биеийн тамир, спортыг хөгжүүлэх тухай” 53 дугаар зарлиг, Засгийн газрын 2005 оны ”Халдварт бус өвчнөөс сэргийлэх, хянах үндэсний хөтөлбөр батлах тухай” 246 дугаар тогтоол, 2009 оны “Нийтийн биеийн тамир, спортын талаар авах зарим арга хэмжээний тухай” 05 дугаар тогтоол, 2009 оны “Зөв хооллох, дасгал хөдөлгөөнийг дэмжих” тухай 239 дүгээр тогтоолуудын хэрэгжилтийг тус тус эрчимжүүлэх зорилгоор НЭМГ-ын даргын А/62-р тушаалын дагуу  “Эрүүл байхын үндэс -Таны оролцоо чухал” сэдэвт сарын аяныг 2013 оны 05 дугаар сарын 06-наас 06 дугаар сарын 06-ны хооронд зохион байгуулж байгаа билээ.

Хүн амын эрүүл мэндийг сахин хамгаалах, эдгэрэн илааршуулах үйлд бүхий л сэтгэлээ зориулан сувилахуйн тусламж үйлчилгээг чанарын өндөр түвшинд хүргэж буй Монголын мянга мянган сувилагч, эмнэлгийн дунд мэргэжилтэнүүд та бүхэнд  Олон улсын сувилагчдын өдрийн баярын мэнд хүргэж, эрүүл энх, аз жаргал, сайн сайхан бүхнийг хүсэн ерөөе.

НИЙСЛЭЛИЙН ЭРҮҮЛ МЭНДИЙН ГАЗРЫН ДАРГА С.ТУУЛ

НЭМГ-аас анхан шатны тусламж үйлчилгээ, ӨЭМТ-ийн үйл ажиллагаатай холбоотой асуудлаар авч хэрэгжүүлж байгаа ажлын талаар мэдээлэл хийх, тулгамдсан асуудлыг тодорхойлох, хамтын үйл ажиллагааг сайжруулж улмаар ӨЭМТ-ийн тусламж үйлчилгээний чанар, хүртээмжийг нэмэгдүүлэх зорилгоор дүүрэгчилсэн уулзалтыг зохион байгуулж эхэллээ. Эхний уулзалтыг 2013 оны 5-р сарын 08 ний өдөр Баянзүрх дүүрэгт зохион байгууллаа.

Зөөлөн гараараа тэнхрээн сувилсан
Зүйтэй аалиараа тэтгэн ивээсэн
Цагаан өмсгөлт уяхан дагина
Гэгээн үйлстэй ухаант бүсгүйчүүд нийт сувилагч нартаа олон улсын сувилагчийн өдрийн баярын мэнд хүргэе!

НЭМГ

Хүний NCoV-т халдварын лабораториор баталгаажсан 7 шинэ тохиолдол бүртгэгдсэнээс 5 нь нас барсан тухай Саудын Араб Улсын Эрүүл мэндийн яам 5 дугаар сарын 2-нд ДЭМБ-д мэдээлсэн байна [1]. Эдгээр тохиолдлууд өөр хоорондоо холбоогүй бөгөөд өвчлөгсөд өөр өвчтөн болон мал, амьтантай хавьталд ороогүй гэсэн өгүүлэлтэй ажээ. Ингэснээр хүний NCoV-т халдварыг лабораториор баталгаажуулсан тохиолдол одоо нийтдээ 24 (үүнээс 16 [66.7%] нь нас барсан) болоод байгаагаас Саудын Арабт 16 тохиолдол (үүнээс 11 [68.7%] нь нас барсан), Йорданд 2 тохиолдол (хоёулаа [100%] нас барсан), Их Британид 4 тохиолдол (үүнээс 2 [50%] нь нас барсан), ХБНГУ-д 2 импортлогдсон тохиолдол (үүнээс нэг [50%] нь нас барсан ) бүртгэгдээд байна.

Өнгөрсөн 7 хоногийн байдлаар томуу томуу төст өвчний байдал улсын хэмжээнд амбулаторид хандаж үйлчлүүлэгчдийн 4.9%, Улаанбаатар хотод 4.8%, аймгуудын дундаж 5.1% байна. Томуугийн харуулдан тандалтын эмнэлгүүдээс 91 сорьц хүлээн авч шинжлэхэд томуугийн А вирус 1, томуугийн В вирус 1 илэрлээ. Амьсгалын замын хүнд халдвартай өвчтөн нийт эмнэлэгт хэвтэн эмчлүүлэгсдийн 9.5%-ийг эзлэж, ЭХЭМҮТ, Ховд аймагт тус бүр 1 нас баралт бүртгэгдлээ.